|
 Menu
|
|
|
|
|
Social
|
|
|
|
|
The day we ran away
Contributed by
Scribbles
on
Monday, 29th June 2009 @ 06:24:37 PM in AEST
Topic:
StoryPoetry
|
Me an' Ronnie Grayson
An' Charlie Hanson tae
Aw put wur heids the gither
An' thought, 'Lets run away,
We'll skip the train tae Liverpool
An' there get on a ship
An' stow away tae Canada,
It'll be a snip'.
It sounded aw too easy
Until the fated day
Oor Robert came and brought oor dug
An' said, 'Ah'm comin' tae'.
'Ye cannae come', Ah said tae him,
'Ye'll hiv tae go back hame'.
But Robert widnae listen
He widnae play the game.
'If ye don't let me come', he said
Ah'm gonnae tell my Da,
An' then ye'll aw end up back hame
Afore ye's get too far
'Aw right', Ah said, 'We'll let ye come
But jist remember this,
When Ah say jump, you say how high
Or else Ah wullnae miss.
So there we wur the five o'us
Aw rerred up tae go
Four wee boys and a wee'er boy
Wi' a big brown dug in tow.
We never had much money
And jist ane tin of bean.
Nae soles in oor sannies
An' nae arse in oor jeans.
First stop, Dear Auld Glesga Toon
We jumped a big green bus
An' bumped intae the bloke next door
Who nearly collared us.
Ye could've heard a pin drop
When Jimmy saw us there,
Ah nearly wet ma troosers,
Ma jaw near hit the flair.
'Hello there Mr Moir,
Imagine seein' you here'.
An' Jimmy wi' a bevvy in him
Wisnae thinkin' clear.
'Where ur yous aw gaun', he said
'An dis yer faithers know'?
'Course they dae', we aw sung back,
Although this wisnae so.
'We're gaun up tae wur Uncles hoose,
He's no been keepin' well'.
An' Jimmy said, 'Aw right then
But look efter yerselfs'.
Jeez that wis close we aw agreed
Noo we can breath again
An' Charlie said, 'We'd better move
If we're tae catch that train.
We jumped the fence and skipped the train
That sat at platform ten
But instead of gaun tae Liverpool
It went tae Rouken Glen.
By noo we wur aw starvin'
Ye could hear oor bellies roar
An' we wurnae ony further
Than we wur five hoors before.
So starvin' and dejected
We came up wi' a plan
We'd sneak back doon tae Charlies hoose
An' steal some bread and jam.
(I think inside oorselfs we knew
We wanted tae go hame.
The only problem noo wis
Who wis gonnae take the blame.)
But none o'us wid gie in first
An' so we soldiered on
Only tae get caught
Wi' Charlies aulder brother John.
So that wis that, the game wis up
We had tae go back hame
An' Ah was bloody terrified,
Ah knew Ah'd get the blame.
Then lookin' roon at Charlie's face
An' Ronnies face as well,
I realised we must have put
Oor Ma's and Da's through hell.
For none o'them wis laughing
The way they wur before,
An' each o'us wis shakin'
As we reached oor ain front door.
The rest o' the tale is history
No' worth writin' doon
Just aboot three well skelped arses
sittin' in their rooms.
Aw feelin' sorry fur themselfs
An' greetin' tae their Ma's,
An' wishin' that they never got
A hidin' frae their Da's.
But that's the way it goes, Ah guess
It's jist the price ye pay
When ye's put yer heids the gither
An' decide, 'Let's run away'.
Copyright ©
Scribbles
... [
2009-06-29 18:24:37]
(Date/Time posted on
site)
Advertisments:
|
|
|
|
|
|
Sorry, comments are no longer allowed for anonymous, please register for a free membership to access this feature and more
|
|
All comments are owned by the poster. Your Poetry
Dot Com is not responsible for the content of any
comment.
That said, if you find an offensive comment, please
contact via the FeedBack Form with details, including poem title
etc.
|
|
|
|
· 
Poetry
Site Help
Members
Areas
Reference
Search
Top
Others
